O CONTO DA VACA

Este conto aconséllanos que acabemos coas nosas vacas para poder mellorar a nosa vida.

Nel móstranos como un mestre lle ensina ao seu discípulo porque as persoas están atadas a unha vida de mediocridade e non logran superar os obstáculos que lles impiden triunfar.

Van visitar unha familia de oito membros que vivían nunha casa moi humilde, case en ruínas. Eles só tiñan unha vaca fraca que era o seu medio para subsistir, pois aínda que daba moi pouco leite, era o único que tiñan.

Cando ambos se ían ir, o mestre colleu unha corda e matou a vaca.

Tras un ano, regresaron e en vez de ver a casa en ruína, viron unha casa gran casa que parecía de xente adiñeirada.

O discípulo asombrado petou a porta da casa para preguntar onde ían os donos da casa anterior. Cando lle abriron decatouse de que eran os mesmos. O dono contoulle que trás ver a súa vaca morta, comezou a cultivar verduras na horta que tiña detrás da casa, pois dalgún modo tiñan que vivir, e cando estas medraron vendeunas, o que lle permitiu ter unha mellor vida.

Eu creo que a moralexa deste conto é que deixemos as nosas vacas atrás , e dicir, as nosas xustificacións, as nosas escusas, etc, pois estas só fan que a nosa vida non progrese e sempre estea atascada no mesmo punto.

Xa que aínda que haxa xente que non o admita, todos temos vacas aínda que só sexa unha.